ഗാനസൂത്രങ്ങള്‍ കൊണ്ട് നക്ഷത്രങ്ങളെ തിരിച്ചറിയുന്ന ലോകമലയാളികളുടെ സ്വീകരണമുറികളിലും മനസ്സിലും സ്ഥാനം പിടിച്ച ഐഡിയ സ്റ്റാര്‍ സിംഗര്‍ ഷോയില്‍ അവസാനം വെള്ളിവെളിച്ചത്തില്‍ വെള്ളിനക്ഷത്രമായി ഗാനഗന്ധര്‍വനും എത്തി. മലയാളം എന്ന ഭാഷയെ മംഗ്ലീഷില്‍ അവതരിപ്പിക്കുന്ന അവതാരക രഞ്്ജിനി ഹരിദാസും സംഘവും അവസാനം ആ ഉദ്യമത്തില്‍ വിജയിച്ചു എന്നു വേണം കരുതാന്‍ .സംഗീതലോകത്തേക്ക് എന്നു പറയുമ്പോള്‍ സംഗീതം കൊണ്ട് നേടുന്ന ഫാന്റസിയുടെ ലോകത്തേക്കുള്ള ആദ്യ ചുവടുവെപ്പിന്റെ ചൂണ്ടുപലകയാണിപ്പോള്‍ സ്റ്റാര്‍സിംഗര്‍ മെഗാഷോ. നേരത്തെ പാട്ടുമാത്രം മതിയായിരുന്നെങ്കില്‍ ഇന്ന് അതുമാത്രം പോര നന്നായി നടിക്കാനറിയണം നടനവുമറിയണം.എന്നാലെ ചെറുസന്ദേശങ്ങളിലൂടെ വലിയ ലോകത്തേക്ക് പറന്നുയരാനാവൂ. തീര്‍ന്നില്ല ജനകീയനാവണമെങ്കില്‍ നാടായ നാടുമുഴുവന്‍ ഫ്ലക്സ് ബോര്‍ഡുകള്‍ വെക്കണം സന്ദേശമാപിനികളിലെ എണ്ണം കുറയാതെ നോക്കുകയും വേണം. പുത്തന്‍ സംഗീത താരങ്ങളെ പിന്നീട് കാണണമെങ്കില്‍ മഷിനോട്ടക്കാരെ തന്നെ വേണ്ടിവരും.
ഏതായാലും സ്റ്റാര്‍ സിംഗറിന്റെ കാലം. ഓരോ ഭാഗങ്ങളും കഴിയുന്തോറും ഉടുതുണിയുടെ നീളം കുറച്ചുവരുന്ന രഞ്ജിനി ഹരിദാസിനെ കുറച്ചു ഭാഗങ്ങള്‍ക്ക് ശേഷം എങ്ങനെ കാണേണ്ടിവരും കാത്തിരിക്കുക. പുതിയ സംഗീത പ്രതിഭകളെ നിങ്ങള്‍ക്ക് അഭിവാദ്യങ്ങള്‍. ഇനിയിപ്പോള്‍ നമ്മുടെ ഗാനഗന്ധര്‍വനെ തന്നെ ജഡ്ജിന്റെ റോളില്‍ കാണേണ്ടി വരുമോ.........................
'റോയല്‍ടി ' ചോദിച്ച ആളല്ലേ... ഇതൊന്നും ഒന്നുമല്ല... 'ബഹുമാനം' ആയുധം ആക്കുന്നവരെ എനിക്ക് പണ്ടേ ഇഷ്ടമല്ലാ... അതേത് ഗന്ധര്‍വന്‍ ആയാലും.... നല്ല പോസ്റ്റ്‌... അഭിനന്ദനങ്ങള്‍...
ReplyDeletewww.manulokam.blogspot.com