കോപ്പയില്‍ കളി'ക്കോപ്പ്' കാട്ടി അര്‍ജന്റീന
കോപ്പ അമേരിക്ക അര്‍ജന്റീനയിലാണെന്നും ഇത്തവണ ആ കപ്പ് സ്വന്തമാക്കി നാടിന്റെ സ്വപ്നം പൂവണിയിക്കും എന്നൊക്കെ അടിച്ചു വിട്ട ലയണല്‍ മെസ്സി ഇപ്പോള്‍ എന്തു പറയുന്നാവോ? കളിക്കളത്തില്‍ കളിമറന്ന് തൊണ്ണൂറ് മിനിറ്റും പാവം ഓടിത്തളര്‍ന്നു. കൊളംബിയയെ പറ്റി നല്ല ഗ്രാഹ്യമില്ലാതെയാണ് ടീം കളിച്ചത്. പലപ്പോഴും ഒറ്റപ്പെട്ട നീക്കങ്ങള്‍ മാത്രം നടത്തിയ അര്‍ജന്റീന തീര്‍ത്തും നിരാശപ്പെടുത്തി.
വിശ്വാസമാവാം അത് അമിതമായാലോ എന്നു ചോദിക്കേണ്ടിവരും നമുക്ക്. കാരണം ലോകം കണ്ടതില്‍ വച്ച് ഏറ്റവും നല്ല മുന്നേറ്റ നിര മാത്രം പോര അവര്‍ക്ക് ഫിനിഷിങ് പാടവവും വേണമെന്നത് ശരിവെക്കുന്നതായിരുന്നു പ്രകടനം. കൊളംബിയയാകട്ടെ കിട്ടിയ അവസരങ്ങള്‍ പാഴാക്കാതെ ലക്ഷ്യത്തില്‍ എത്തിച്ചിരുന്നെങ്കില്‍ അര്‍ജന്റീന തലയില്‍ മുണ്ടിട്ട് നടക്കേണ്ടി വന്നേനെ. കാല്‍പന്തുകളിയിലെ മാന്ത്രികനായ മറഡോണ പോലും മൂക്കത്ത് വിരല്‍വെച്ചേനെ. മെസ്സിയും കൂട്ടരും ഇനിയുള്ള കളികളില്‍ എന്തുചെയ്യുമെന്ന് കാത്തിരുന്ന് കാണാം...................
No comments:
Post a Comment