ഗിന്നസ് ഹേമലത ആടി രജനി അണ്ണന് വേണ്ടി
കഷ്ടം! നമ്മുടെ നാട്ടിലെ എത്രയോ അവശകലാകാരന്‍മാരും രോഗിണികളായ അവശകലാകാരികള്‍ ഉണ്ടായിട്ടും അവരുടെ രോഗശാന്തിക്കായി ആടാന്‍ സമയമില്ലാത്ത ഗിന്നസ് ഹേമലത രജനീകാന്തിന്റെ രോഗമുക്തിക്കായി ഗുരുപവനപുരിയില്‍ മോഹിനിയാട്ടം നടത്തി. കേരളത്തിലെ സകലമാന ജനങ്ങളുടെയും ആയുരാരോഗ്യ സൌഖ്യത്തിനായി കാസര്‍കോട് മുതല്‍ തിരുവനന്തപുരം വരെ ഓടിത്തളര്‍ന്ന ലത രജനീകാന്തിലൂടെ ഒരു തിരിച്ചുവരവിന് ശ്രമിക്കുകയല്ലേ? അല്ലെങ്കില്‍ പറയും മോഹിനിയാട്ടത്തിന്റെ പുരോഗതിക്കും പബ്ലിസിറ്റിക്കും വേണ്ടിയാണെന്ന്. കലാകാരന്‍മാരെല്ലാം ഒരു കുടുംബത്തിലെ അംഗങ്ങളാണ് അതിലൊരാള്‍ക്ക് വേദനിച്ചാല്‍ ആശ്വാസം കണ്ടെത്താന്‍ മറ്റെല്ലാവര്‍ക്കും ഉത്തരവാദിത്തമുണ്ടെന്ന് സന്ദേശം നൃത്താവതരണത്തിലൂടെ ഹേമലത നല്‍കുന്നു.അതാവാം കരുണ ചെയ്വാനെന്തു താമസം കൃഷ്ണാ കീര്‍ത്തനം തന്നെ ആദ്യം തെരഞ്ഞെടുത്തത്. ഏതായാലും ഹേമലത ചെയ്തപോലെ കലാകാരി കുടുംബത്തിലെ അംഗങ്ങളായ നയന്‍താരയും തമന്നയുമൊക്കെ അവരാല്‍ കഴിയുന്ന രീതിയില്‍ ആടിയാല്‍ രജനി അണ്ണന് ഒരുപക്ഷേ പെട്ടെന്ന് ഉണര്‍ന്നേനെ. രോഗശാന്തിക്കായി പ്രാര്‍ഥനകളും വചനപ്രഘോഷണങ്ങളും നടത്തുന്ന ദിവ്യാജോഷിയെ പോലുള്ള ആള്‍ ദൈവങ്ങളെ പോലെ മോഹിനിയാട്ടത്തിലൂടെ രോഗമുക്തി സ്തോത്രപരിപാടികള്‍ നടത്തുമോ ഈ ഗിന്നസ് കലാകാരി.ഏതായാലും കാത്തിരുന്ന് കാണുക തന്നെ.......................
No comments:
Post a Comment