പോയി പോയി യൌവനത്തിന്റെ പടിവാതില്‍ക്കല്‍ എത്തിനില്‍ക്കുന്ന കൌമാരക്കാരായ കോളജ് കുമാരന്‍മാരുടെ ഒരു കാര്യം നോക്കണേ. മാറുന്ന മറുനാടന്‍ വസ്ത്രധാരണം ഒരു മടിയും കൂടാതെ സ്വീകരിച്ച് നാടന്‍ സായിപ്പന്‍മാരാകുന്നവര്‍ ജാഗ്രതൈ. പോലീസുകാര്‍ പിറകില്‍തന്നെയുണ്ട്്്................മുംബൈയിലെയും ബാംഗ്ലൂരിലെയും പെണ്‍കൊടികള്‍ ഉപയോഗിച്ചു കണ്ട ലോവേസ്റ്റ് ജീന്‍സുകള്‍ പിന്നീട് നമ്മുടെ പുത്തന്‍ പുരുഷകേസരികളുടെ സംസ്കാരത്തിലേക്ക് വലിച്ചിഴക്കപ്പെടുകയായിരുന്നു. അമേരിക്കയിലും ബ്രിട്ടണിലുമെല്ലാം സ്കേറ്റിങ് ചാമ്പ്യന്‍മാര്‍ ജേഴ്സിയായി ഉപയോഗിക്കുന്ന ഡെനിം ട്രൌസറുകള്‍ ലോവേസ്റ്റാണ്. ആ വസ്ത്രധാരണ രീതിയെ അപ്പാടെ പകര്‍ത്തുകയാണ് നമ്മുടെ ജിമ്മന്‍ കേശവന്‍മാര്‍. തീര്‍ത്തും ആഭാസമായ അടിവസ്ത്രപ്രദര്‍ശനമാണിത് ബസ്സ്റ്റാന്‍ഡുകളിലും റെയില്‍വേസ്റ്റേഷനുകളിലും എന്തിനേറെ ആശുപത്രിയിലെ രോഗിയെ കാണാന്‍ വരെ വരുമ്പോള്‍ ഉപയോഗിക്കുന്നത് ഇത്തരം സദാചാരബോധം തൊട്ടുതീണ്ടാത്ത വേഷവിധാനമാണ്. അരയോളം എത്താത്ത ഷര്‍ട്ടോ ടീഷര്‍ട്ടോ ഇട്ട് ബസിലെ കമ്പിയില്‍ പിടിച്ചുനില്‍ക്കുമ്പോള്‍ സീറ്റിലിരിക്കുന്നവര്‍ക്ക് വായിക്കാവുന്നവിധം നൈക്കി എന്നോ ജോക്കി, അഡിഡാസ് അങ്ങനെ ഡ്യൂപ്ലിക്കേറ്റ് ബ്രാന്‍ഡുകള്‍ കാണാം.
ഇത്തരം വസ്ത്രധാരണം കൊണ്ട് സ്ത്രീ ജനങ്ങളെ വശീകരിക്കാമെന്ന ധാരണയാണ് പാവം കുട്ടികള്‍ക്ക്. പുരുഷസൌന്ദര്യത്തിന്റെ അവസാനവാക്കായ ആറുപെട്ടി (സിക്സ് പാക്ക്) യുടെ അവസാനത്തെ പെട്ടി വയര്‍ മസിലും കാണുന്ന വിധമാണ് ജീന്‍സ്.ഇത്തരം അബദ്ധജഡിലമായ പ്രകടനങ്ങള്‍ സമൂഹത്തില്‍ നിന്ന് തുടച്ചുമാറ്റപ്പെടേണ്ടതാണ്. ലോവേസ്റ്റ് ജീന്‍സിട്ട് ചഡ്ഡി പ്രദര്‍ശനം നടത്തിയാല്‍ പോലീസ് പിഴ വാങ്ങിത്തുടങ്ങി കൂടെ രണ്ട് അടിയും സൌജന്യം.പൊതുജനമധ്യത്തില്‍ ബ്രാന്‍ഡഡ് അടിവസ്ത്രങ്ങള്‍ അണിയുന്നവരാണ് ഞങ്ങള്‍ എന്നുകാണിക്കാനാണ് പുരുഷകേസരികളുടെ ശ്രമമെങ്കില്‍ ഭുതകാലത്തില്‍ മറഞ്ഞ ഐതിഹ്യങ്ങളില്‍ നിറഞ്ഞ കോമിക്സ് താരം സൂപ്പര്‍മാന്‍മാര്‍ വീണ്ടും പിറവികൊള്ളുമെന്ന് ഉറപ്പ്. ഏതായാലും കാത്തിരുന്ന് കാണാം..........
No comments:
Post a Comment