ഇന്ത്യ,
ലങ്കകടക്കുമോ??????????
ഹിന്ദു ഇതിഹാസകാവ്യമായ രാമായണത്തില്‍ അയോധ്യാ രാജാവിന്റെ മകന്‍ രാമന്റെ ഭാര്യയായ ജനകപുത്രി സീതയെ അന്നത്തെ ലങ്കാരാജ്യം ഭരിച്ചിരുന്ന അസുരരാജാവ് രാവണന്‍ അടിച്ചോണ്ട് പോയപ്പോള്‍ രാമദൂതനായ വായുപുത്രന്‍ ഹനുമാന്‍ ലങ്ക കടന്നിരുന്നു. പിന്നെ കത്തിച്ച് ലങ്കയെ നശിപ്പിച്ച് ഘോരയുദ്ധം നടത്തി രാവണനെയും കൊന്ന് സീതയെ സ്വന്തമാക്കി.ഇത് ഇതിഹാസകഥ പക്ഷെ ഇന്നത്തെ കഥ ഇതൊന്നുമല്ല. നായകര്‍ മാറി കഥയും പശ്ചാത്തലവും മാറി. ഇതിഹാസത്തിന്റെ കടല്‍കടന്ന് പുതുയുഗത്തിന്റെ വരവിലെ ക്രിക്കറ്റിന്റെ മാസ്മരവലയത്തില്‍ വിലയം പ്രാപിച്ച പട്ടിണിപ്പാവങ്ങളുടെ ഒരു ചിന്ത നോക്കണേ. ലോകകപ്പ് ക്രിക്കറ്റിലെ ഇന്ത്യയുടെ ജൈത്രയാത്രക്ക് ലങ്കന്‍ സിംഹങ്ങള്‍ തടയിടുമോ അതോ സിംഹള ജൈത്ര യാത്രക്ക് ഇന്ത്യ തടയിടുമോ കാത്തിരുന്ന് കാണാന്‍ ഇനിയും സമയം ബാക്കി
.1996 ലോകകപ്പില്‍ സെമിഫൈനല്‍ മല്‍സരത്തില്‍ സിംഹളവീര്യത്തില്‍ ഇന്ത്യ കത്തിയമര്‍ന്നത് കണ്ടതാണ്.പക്ഷേ സാങ്കേതികത വളര്‍ന്ന് മുറ്റി നില്‍ക്കുന്ന ഇത്തവണത്തെ മല്‍സരങ്ങളില്‍ പുറത്താക്കലുകള്‍ പോലും ചോദ്യംചെയ്യപ്പെടാന്‍ അവസരവുമുണ്ട്.അന്ന് 257 നെതിരെ 120 ല്‍ ഇന്ത്യ ഒടുങ്ങിയിരുന്നു. എന്നിട്ടും ഏറ്റവും കൂടുതല്‍ റണ്‍സ് സച്ചിനും വിക്കറ്റുവേട്ടയില്‍ അനില്‍ കുംബ്ലെയും മുമ്പന്‍മാരായി.അന്ന് അരവിന്ദ ഡിസില്‍വ ഔട്ടായിട്ടും ഔട്ട് അനുവദിക്കാതെ നിന്ന അമ്പയര്‍ സ്റ്റീവ് ഡണ്ണിന്റെ തീരുമാനം കളിയുടെ ഗതിതന്നെ മാറ്റിമറിക്കുകയായിരുന്നു. കൊല്‍ക്കത്ത ഈഡന്‍ഗാഡനിലേറ്റ പരാജയത്തിന്റെ മുറിവുണക്കാനാവും ഇന്ത്യയുടെ ശ്രമം. 121കോടി ജനങ്ങളുടെ പ്രാര്‍ഥനകള്‍ കൈമുതലുള്ള ഇന്ത്യന്‍ ക്രിക്കറ്റ് കോടിപതികള്‍ക്ക് അങ്ങ് താഴേക്കിടയില്‍ ചേരികളില്‍ താമസിക്കുന്നവന്റെ ക്രിക്കറ്റ് ആവേശം അവനില്‍ സന്നിവേശിപ്പിക്കാനായാല്‍ ജയം ഉറപ്പ്.
No comments:
Post a Comment