ആവശ്യമുണ്ട് പിന്‍ഗാമികളെ
പിന്‍ഗാമിയില്ലാതെ സായി ബാബ പോയി. പക്ഷെ ഇനി അമൃതാനന്ദമയിക്ക് ഒരു പിന്‍ഗാമി വേണമെന്ന് തോന്നിത്തുടങ്ങും. കാരണം ഏകലവ്യന്‍ എന്ന സിനിമയില്‍ അമൂര്‍ത്താനന്ദ സ്വാമിയെ പോലെ സായി ബാബ പുട്ടപര്‍ത്തിയിലിരുന്ന് മുഷ്ടി ചുരുട്ടി വായുവില്‍ നിന്ന് വിഭൂതിയും ആപ്പിളും കൊടുത്ത് പകരം ലക്ഷങ്ങളുടെ ചെക്കുകള്‍ ഭക്തരില്‍ നിന്ന് നേരിട്ട് കളക്ട് ചെയ്ത് നാല്‍പതിനായിരം കോടിയുണ്ടാക്കിയിട്ട് എന്തുണ്ടായി. നത്തിംഗ് ഒന്നുമുണ്ടായില്ല. ആന്ധ്രാ സര്‍ക്കാറും കുറെ പഹന്‍മാരും അടിച്ചുമാറ്റാനും കണ്ടുകെട്ടാനും തക്കം പാര്‍ത്തിരിക്കുന്നു. പണ്ടാരാണ്ട് പറഞ്ഞപോലെ പോയപ്പോ യൂദാസിന് പോയി. യേശു മൂന്നാംദിവസം എണീറ്റങ്ങ് പോയി.യൂദാസോ തൂങ്ങി. പോയപ്പോ നമ്മടെ ബാബയ്ക്ക് പോയി. ഏതായാലും അമൃതാ ചാനലില്‍ പരസ്യം വരാതിരുന്നാല്‍ മതിയായിരുന്നു. അത്യാവശ്യം മാജിക്കും അല്‍പ്പസ്വല്‍പം മലയാളവും കുറച്ച് കീര്‍ത്തനങ്ങളും അറിയാവുന്നവരെ തേടുന്നു എന്ന്. അതിനി പെണ്ണിനെതന്നെ വേണോ എന്നാണ് സംശയം. ബാബ വിഭൂതി എടുക്കുന്നു. അമ്മയാകട്ടെ വെള്ളം പാലാക്കി ഭക്തര്‍ക്ക് നല്‍കും.ഇങ്ങനൊരു സംഗതി കേട്ടിട്ടുണ്ടോ? എന്നാല്‍ കേട്ടോളൂ അമൃത ആശുപത്രിയില്‍ ആദ്യമായി ജോലിക്ക് കയറുന്നവര്‍ക്കായി ഒരു വീഡിയോ ക്ലിപ്പിങ് കാണിക്കും. അതിലാണ് ഇത്തരം മാജിക്കുകള്‍ വിഭുതിയും മോതിരവും നാരങ്ങ മിഠായിയുമെല്ലാം വരും ഇതില്‍. ബാബ നാട്ടിലിരുന്ന് സമ്പാദിച്ചതിനേക്കാള്‍ ഒരുപക്ഷേ ഇരട്ടിയുണ്ടാവും അമ്മയുടെ സമ്പാദ്യത്തില്‍ കാരണം വേള്‍ഡ്വൈഡ് ടൂറിലാണല്ലോ ആള്‍ദൈവ അമ്മച്ചി.നാടായ നാടുമുഴുവന്‍ അമ്പലങ്ങള്‍ ഉണ്ടാക്കി ഉല്‍സവവും ദര്‍ശനവും നടത്തുന്ന ഇവര്‍ ഏതു തരത്തിലാണ് സാമൂഹിക പ്രവര്‍ത്തനം നടത്തുന്നത്.
അമ്മയെ പുണരാനടുക്കുന്ന ഭക്തന്റെ വിയര്‍പ്പിലൂടെ അമ്മ അസുഖബാധിതയാവാതിരിക്കാന്‍ നാലംഗസംഘം ഭക്തനെ തുടച്ച് വൃത്തിയാക്കും. കൈലാസത്തില്‍ വിലസിയ പരമശിവന്‍ വരെ ഞെട്ടും ദിവസം മുഴുവന്‍ ഒരേ ഇരിപ്പില്‍ ഭക്തനെ പുണരുന്ന അമ്മയെ കാണുമ്പോള്‍. എന്തായാലും ആത്മീയത എന്ന കച്ചവട വസ്തുവിനെ മാര്‍ക്കറ്റ് ചെയ്യുവാനറിയാവുന്നവര്‍ക്ക് ഏതായാലും അവസരം ലഭിക്കും തീര്‍ച്ച. 
No comments:
Post a Comment