എന്‍ഡോസള്‍ഫാന്റെ പേരില്‍ ഹര്‍ത്താല്‍ മഹോല്‍സവം
കുടുംബവുമായി കറങ്ങാന്‍ പോകാം ഒരു സ്ഥലത്തും കാര്യമായ ജനക്കൂട്ടവും ഉണ്ടാവില്ല. ബൈക്ക് ഓടിക്കാന്‍ ഹെല്‍മറ്റും വേണ്ട. അല്ലേല്‍ മുക്കിലും മൂലയില്‍ ഏമാന്‍മാര്‍ നില്‍പ്പുണ്ടാവും ഹര്‍ത്താലായാല്‍ അവരെയും പേടിക്കണ്ടല്ലോ? സര്‍ക്കാറിനും ഗുണം തന്നെ ഹര്‍ത്താല്‍ തലേന്ന് ബിവറേജസ് കോര്‍പറേഷന്‍ ഔട്ട്ലെറ്റുകളില്‍ കാര്യമായ വില്‍പനയും നടക്കും. ഇരുപത്തിനാല് മണിക്കൂര്‍ ഹര്‍ത്താലാണേല്‍ ബഹുരസം അടിച്ച് പാമ്പായി വീട്ടില്‍ തന്നെ കൂടാം. നേരെ മറിച്ച് പന്ത്രണ്ട് മണിക്കൂറാണേല്‍ വൈകുന്നേരം പിന്നേം ക്യൂ നില്‍ക്കാന്‍ ഓടണം.ഈ പൊതുജനസംസ്കാരം എത്തിയിട്ട് അധികകാലമായിട്ടില്ല.എന്നിരുന്നാലും പാര്‍ട്ടിയുടേയോ സംഘടനകളുടെയോ നിറം നോക്കാതെയുള്ള ഈ ഐക്യദാര്‍ഢ്യം സമ്മതിക്കാതെ വയ്യ
.പോയി പോയി വിദ്യാര്‍ഥികള്‍ മുതല്‍ ഉദ്യോഗസ്ഥര്‍ വരെ കാത്തിരിക്കുകയാണ്
ഹര്‍ത്താലിനെ.വലിയ വലിയ ഉദ്യോഗസ്ഥരുടെ ദര്‍ബാറുകളായ ക്ലബുകളിലും തിരക്കേറുന്നത് ഇരുപോലുള്ള ദിവസങ്ങളിലാണത്രേ. കാര്യം പറഞ്ഞാല്‍ ഹര്‍ത്താല്‍ ദിനങ്ങള്‍ മദ്യപാനത്തിനുള്ള ദിനമായി മാറുകയാണ്.ഭാവിയിലെങ്കിലും മാറുന്ന മലയാളിയുടെ മനസ്സറിയുന്ന ഹര്‍ത്താല്‍ ദിനങ്ങള്‍ മദ്യത്തില്‍ മുങ്ങിയുള്ള പ്രതിഷേധങ്ങളാവാതിരിക്കട്ടെ. എന്‍ഡോസള്‍ഫാന്‍ നിരോധിച്ചതിലുള്ള സന്തോഷം അറിയിക്കട്ടെ.
No comments:
Post a Comment